Numpak Prau

 

 

Mbangun bebrayan kuwi kaya ngumbara

Akeh pepalang, akeh pacoban

Keh wong ngomong

Kaya-kaya numpak prau ing segara

Ya ana nahkodane

Ya ana penumpange

 

Ana kalane nyilem ing sanjerone segara mau

Sing mesthi aja nganti kanyut,

Kudu bisa munggah maneh ing prau

Nerusake laku

Bab prahara ing sajerone

Sing diprangguli

 

Kuwi wis mesthi...

Nanging muga prau mau tansah kuat

Lelayaran ing samudra penguripan

Lelandhesan janji suci marang Gusti

Kuat nglakoni samubarang

Kang endah

Utawa susah

Muga tansah nyawiji

Nganti tekaning pati