Mbangun bale somah

Omah-omah

Kanthi ananing janji suci

Awake dhewe wis nyawiji

Tansah ngupaya netepi janji iki

Mbangun bale somah

Ora beda karo budhal perang ing palagan

Wong loro kudu nggilikeke niat

Urip bungah susah bebarengan

Nglakoni urip bebrayan

Ing tengahe ndalan ora gampang diprangguli

Akeh pepalang

Akeh pacoban

Urip kayadene perjuangan

Kebak sandhungan

Urip ora beda sawijining pendadaran

Urip kuwi kanyatan

Bungah susah maneka masalah dadi sega jangan

Mula linandhesan rasa tresna ayo mbangun omah iki nuju dalan kamulyan

Nunggu tekamu

Irah-irahane nunggu tekamu 

Wektune iki wis wengi

Aku nunggu olehmu bali

Wis tak wanti-wanti

Supaya awakmu tansah ngati ati

Amarga lungamu kanggo bab kang wigati

Iya ora bakal tak gondheli

Aku wis ngerti

Lan aku percaya nganti teka telenging ati

Mesthi awakmu bakal bali

Bali nggawa warta sing bisa gawe lega ing ati

Amarga lungamu kanggo numpes durangkara ing negara iki

Ngger anakku

Ngger Anakku

Ngger anakku....

Bapa biyungmu iki ora tau kendhat

Nyuwun marang sing Akarya Jagad

Tansah dedonga anakke bisa mupangat

                Bapa biyungmu iki

                Saben wayah lingsir surya

                Tansah ngupaya

                Menehi tuladha supaya ra dha sulaya

                Gegayuhaneiku anakke bisa urip mulya

Ora tau sambat

Ora krasa sayah

Linandhesan katresnan sing ora winatesan dawane jaman

                Manawa bapa biyungmu iki isih jembar kalangane

                                                                      Isih dawa umure

                                                                      Isih dawa jumangkahe

                Bakal dak perjuangake nganti sakkuate

Jejibahanku minangka wong tuwa

Nampa amanah saka Sing Kuasa