Kembang Rejasa nggawa cerita

 

Nalika kembang rejasa nggawa cerita.

Lumakune dina,

Ora bisa disigeg mandhek.

Tansah lumaku runtut nut marang, pepasthene Gusti.

 

Sakabehan cerita,

Karakit kanthi endah.

Ing nala,

Sakabehing paraga

Ing kene, SMP N 8 Salatiga

 

Kelangan, iya...

Nanging ya kudu rila, merga ora bisa endha.

Kanggo netepi kewajiban minangka abdine negara.

 

Maneka warna donga kaucap.

Suk sakwise dina iki,

Ing kana bisa cerita,

Ing kene uga bisa  dadi cerita.

 

Ceritane awake dhewe bebarengan

Gegandhengan,

Mawujudake gegayuhan.

 

Kembang rejasa isuk iki ngebaki plataran.

Nyekseni ,

Menawa awake dhewe iki ora pisahan,

Nanging mung srana netepi jejibahan

 

Sugeng ngayahi amanah enggal

Mugi tansah semangat makantar-kantar

Kados nalika wonten mriki, wonten ing SMPN 8 Salatiga

 

Katresnan ingkang sepisanan niku awrat kangge nyupekkake

Ananging mangga move on sareng-sareng

 

Mirsani ngajeng, kanthi bagya mulya

Mirsani wingiking, kanthi esem ngujiwat