Budaya Jawa

Budaya Jawa

Ngakune ngono wong Jawa

Nanging kok ra isa basa

Ngakune ngono wong Jawa

Nanging dha ra ngerti tata krama

Ngakune ngono wong jawa

Lha kok ra melu nguri uri budaya

                Lha banjur kepriye?

                Pancen ora bisa

                Pancen ora ngerti

                Pancen ora melu

                Banjur sapa sing arep disalahake?

Kepriye arep isa basa?

Manawa kawet cilik wongtuane ra ngajari

Kepriye arep ngerti tatakrama?

Manawa Kawet sekolah gurune ra mituturi

Kepriye arep melu nguri uri budaya?

Manawa sakkiwa tengene ora nulari

                Budaya iku asile rekadaya manungsa

                Manungsa sing urip ing tanah Jawa

                Ayo padha dilestarekna